Home Page Image

 

Pfarrgschicht

Us der Thürger Pfarrgschicht

Z’Thürig hots scho vor langer Zit a Pfarrei und a Kircha ge, wia mas inara alta Schrift vo 850 läsa ka (Reichsurbar vo Churrätien häßt dia Schrift). Dozamol ischt Thürig mit Bludäsch a Doppelpfarrei gsi, gwohnt hot der Pfarrherr (wia ma do gset hot) z’Thürig. Aber sogär bis i’z Walsertal ihi ischt er zuständig gsi. Döt sind Expositura gsi, wo sie denn spöter noch und noch sälbständig gmacht hon.

Thürig ischt johrhundertelang Hauptort vo der „Freia Reichsherrschaft Bluamanegg“ gsi und die Herrschaft ischt an Gliedstaat vom „Heiligen Römischen Reich Deutscher Nation“ gsi. Denn, vo 1614 aweck hot dia Herrschafft Bluamanegg zum Kloschter Wigarta ghört. Döt ischt der gebürtig Brägazar Georg Wegelin Abt gsi. Koft hot er si, well er gment hot, es sei a sicheri Zuaflucht und hot si könna vom Graf vo Sulz abkofa, well der bankrott gsi ischt.

Im Johr 1802 ischt des Kloschter Wigarta mitsamt sinam ganza Herrschaftsgebiet an Fürscht Wilhelm I. von Oranien Nassau g’falla. Er ischt an diräkta Vorfahr vo der hütiga holländischa Königin gsi. Der Fürscht Wilhelm hot denn 1804 alls was Vorarlberger Bsitz vo da Wigartner gsi ischt, a Öschterriech abträta.

Luagamer no zruck uf die letschta hundert Johr, was do für „Pfarrhärra“ z’Thürig gsi sinn:
1899–1924 Friedrich Sausgruber vo Fälkirch
1924–1929 Jakob Butzerin vo Brand
1929–1934 Josef Beck vo Triesabärg im Liachtasteh
1934–1968 Franz Bertschler vo Gisiga
1968–1971 Eugen Giselbrecht vo Dora
1971–1975 Ferdinand Hiller vo Egg
1975–1995 Valentin Thöni vo Wald am Arlberg
1995–2003 Ndubisi Innocent Udeafor vo Nigeria/Afrika.
2003–2008 Eugen Giselbrecht vo Dora
Sit 2008 Mihai Horvat

Sit am Jor 2003, als dr Pfarr Udeafor ganga ischt, hot Thürig ken ägna Pfarr me. Ludesch, Thürig und Thürgerberg hon iatz en Pfarr mitanand.
Er wohnt z'Ludesch. Drum ischt der Diakon Manfred Sutter vo der Diözese als „Ansprechpartner vor Ort" igsetzt wara.

Sit November 2010 ischt "Pfarrer in Ruhe" Stefan Amann für die priesterlicha Dianschte i üsera Pfarre zuaschtändig. Er wohnt z'Schnüfis.